Znüni Liedli

Es Oepfeli zum Znüüni,

es Birrli no derzue,

jetzt gib dim Müüli z`ässe

so het dis Büüchli rue!

 

Sunne- Liedli

Gross und rund isch d`Sunne

warm isch ihres Liecht

und ig weiss nid was ig ohni Sunne miech

 

Chunt e dicki Wouke

wo si grad verdeckt

und scho seit sie: do bin ig

i ha mi nume versteckt

 

Abschlussliedli  (Melodie: Schuhmächerli)

Mir Wichteli, mir Wichteli, mir tanze zringerum

mir klatsche i üsi Hängli

und lache üs haub chrum

 

Mir Wichteli, mir Wichteli, mir hei au churzi Bei

mir freue üs im Waud z`si

und göi jetzt wieder hei!

 

Bobbe, bobbe, Hämmerli

Bobbe, bobbe, Hämmerli

d`Stäge uf is Chämmerli

d`Stäge uf is Tuubehuus

flüge aui Tuube us!

wo si d`Zuube?

do si si

 

Aui mini Finger

Verwandle sich i Tierli:

Der Dume do, so dick und rund,

dä isch e grosse Schäferhund.

Der Zeigefinger, dä wird es Ross

Und rittet mit em Prinz ufs Schloss.

Der Mittelfinger, die gschäggeti Chue,

macht immer muh und git kei Rueh.

Der Ringfinger isch e Geissbock,

dä wädelt mit em Zottelrock.

Und das chline Fingerli

Wett es wulligs Schöfli si.

 

Füüf Söili

„Füüf Söili chöme cho z`laufe,

der Buur wottsi ga verchoufe

s`Schnüffunääsli, s`Waggelöhrli

s`Chuguränzli, s`Ringuschwänzli

u s`Chliinschte, s`Wädlibei

seit: chum, jetzt gö mir wieder hei

 

Ha haferflocke ufem linge Socke

Ha äs spieguei ufem rächte Bei

Ha Chaugummi oni Gschmack i mim Hosesack

Ha nä Gugguhopf uf mim Chopf

 

 

Oh muni muni mei

Makkaroni vitschi dei

Vitschi dei dei dei

Papagei ei ei

 

 

Dört obe ufem Bärgli,

eis, zwöi, drü,

dört tanze chlini Zwärgli,

eis, zwöi, drü.

Dört unde uf der Matte,

eis, zwöi, drü,

hockt e grosse Ris im Schatte,

eis, zwöi, drü.

 

 

I üsem Hüsli

hetts schrecklich fou Müsli.

Si chribele und chräbele,

si zibele und zäbele,

si  gö ufe Tisch,

uf d Stüehu,

uf d Bänk,

i d Schränk,

und wenn mer se wot packe,

so springe si dervo!